کب تک تیری بجھتی آنکھیں

کب تک تیری بجھتی آنکھیں

نیندوں سے بوجھل چوکھٹ میں

ٹوٹتے تاروں گرتے چناروں کا اجڑا منظر دیکھیں گی

یہ چوکھٹ تو

گزرے پل کا روپ دکھا کر

اس آفاق کی دور افتادہ سیڑھی میں گم ہو جائے گی

جس کی آخری کھڑکی

پھٹے پرانے کپڑوں کی ٹوٹی دوکان میں کھلتی ہے

اس چوکھٹ سے باہر آ کر

گھاس پہ ننگے پاؤں چلنا

گھاس جسے شبنم کی معطر بوندوں نے اشنان دیا ہے

یہیں کہیں اس کے پہلو میں

ہوا وہ سپنے بانٹ رہی ہے

جس کو اس چھوٹے سے گھر کی

شوق سحر میں

ابھی حقیقت بننا ہے

kab tak teri bujhti ankhen

nindon se bojhal chaukhat mein

tutte tarun girte chanaron ka ujra manzar dekhengi

ye chaukhat to

guzre pal ka rup dikha kar

is afaq ki dur uftada sirhi mein gum ho jaegi

jis ki akhiri khirki

phate purane kapron ki tuti dukan mein khulti hai

is chaukhat se bahar a kar

ghas pe nange paon chalna

ghas jise shabnam ki muattar bundon ne ashnan diya hai

yahin kahin us ke pahlu mein

hawa wo sapne bant rahi hai

jis ko is chhote se ghar ki

shauq sahar mein

abhi haqiqat banna hai