افق کی منڈیروں پہ

افق کی منڈیروں پہ

دن کا تھکا ماندہ سورج کھڑا تھا

اور اس کا بدن سرخ شالوں کی زد میں جھلستا رہا

وہ چپ چاپ گم سم

خلاؤں کو تکتا رہا

ایک گونگا تماشائی بن کر

یکایک خلاؤں کی پہنائیوں میں

پس پردۂ شب سے

اک چیخ ابھری

وہ مغرور سورج

جو اپنی تکمیلی شعاعوں کے زہریلے کانٹوں سے

معصوم دھرتی کا سینہ کھرچتا رہا تھا

کسی سرد پتھر کی مانند چپ ہو گیا

اندھیروں کی یلغار سے

دم بخود رہ گیا

ufuq ki munderon pe

din ka thaka manda suraj khara tha

aur us ka badan surkh shalon ki zad mein jhulasta raha

wo chup chap gum sam

khalaon ko takta raha

ek gunga tamashai ban kar

yakayak khalaon ki pahnaiyon mein

pas-e-parda-e-shab se

ik chikh ubhri

wo maghrur suraj

jo apni takmili shuaon ke zahrile kanton se

maasum dharti ka sina khurachta raha tha

kisi sard patthar ki manind chup ho gaya

andheron ki yalghar se

dam bakhud rah gaya