ابو میرے پاس تو آنا

ابو میرے پاس تو آنا

اتنی بات مجھے سمجھانا

ہم جب آپس میں لڑتے ہیں

آپ ہمیشہ یہ کہتے ہیں

لڑنا بھڑنا ٹھیک نہیں ہے

جھگڑا کرنا ٹھیک نہیں ہے

اچھے بن کر جینا سیکھو

مل جل کر تم رہنا سیکھو

میں نے اخباروں میں پڑھا ہے

ٹی وی پر بھی اتنا سنا ہے

دنیا میں پھر اک جنگ ہوگی

کھلیں گے سب خون کی ہولی

میزائل اور بم برسیں گے

امن و اماں کو ہم ترسیں گے

لاشوں کا بازار لگے گا

سہما سا سنسار لگے گا

میں بچہ ہوں میں کیا سمجھوں

میں تو بس اتنا ہی پوچھوں

بچے آخر پھر بچے ہیں

جو دانا ہیں کیوں لڑتے ہیں

abu mere pas to ana

itni bat mujhe samjhana

ham jab apas mein larte hain

ap hamesha ye kahte hain

larna bhirna thik nahin hai

jhagra karna thik nahin hai

achchhe ban kar jina sikho

mil jal kar tum rahna sikho

main ne akhbaron mein parha hai

ti wi par bhi itna suna hai

duniya mein phir ik jang hogi

khulenge sab khun ki holi

mizail aur bam barsenge

amn-o-aman ko ham tarsenge

lashon ka bazar lagega

sahma sa sansar lagega

main bachcha hun main kya samjhun

main to bas itna hi puchhun

bachche akhir phir bachche hain

jo dana hain kyun larte hain