دودھیا رنگ کے قمقمے

دودھیا رنگ کے قمقمے

دودھیا روشنی

جامنی رنگ شیشوں پہ یہ روشنی کا دھواں

ذہن کی دھیمی دھیمی سلگتی ہوئی آگ کا امتحاں

کچھ گرے رنگ کے سوٹ

کچھ چمپئی ساریاں

دست نازک میں دست صبا ادھ کھلی

خواب آلود آنکھوں میں افسانے

نا خواستہ گفتگو

ہم نشینی سے انگڑائی کے ساتھ پہلو تہی

جذب کرتی پسینے کو برقی ہوا

سرسراتے ہوئے آنچلوں سے

شفق رنگ جسموں کی اٹھتی مہک

اور لتا ایک مانوس آواز کی دھار

کلاسکی لہروں سے اٹھ کر دلوں میں اترتی ہوئی

نغمگی شہد آہنگ ہے

نغمگی نکہت و رنگ ہے

میز پر شعلۂ طور ہے

سارتر سیلف میں بند ہے

کاگ اڑاتی ہوئی بوتلوں کا سرور

آگہی کے لئے زہر ہے

dudhiya rang ke qumqume

dudhiya raushni

jamani rang shishon pe ye raushni ka dhuan

zehn ki dhimi dhimi sulagti hui ag ka imtihan

kuchh gire rang ke sut

kuchh champai sariyan

dast-e-nazuk mein dast-e-saba adh khuli

khwab alud ankhon mein afsane

na khwasta guftugu

ham nashini se angrai ke sath pahlu tahi

jazb karti pasine ko barqi hua

sirasrate hue anchalon se

shafaq rang jismon ki uthti mahak

aur lata ek manus awaz ki dhar

kilasiki lahron se uth kar dilon mein utarti hui

naghmagi shahd ahang hai

naghmagi nikhat-o-rang hai

mez par shola-e-tur hai

sartar sailf mein band hai

kag urati hui botalon ka surur

agahi ke liye zahr hai