مری زلفیں نہیں کالی گھٹا ہیں

مری زلفیں نہیں کالی گھٹا ہیں

مری پیشانی ہے مہتاب جیسی

مری آنکھیں کنول کی پنکھڑی ہیں

مرے لب ہیں گلابوں سے مشابہ

مرے گالوں میں ہے لالی شفق کی

مری گردن صراحی دار دیکھو

مری باہیں ہیں مثل شاخ صندل

بدن میرا ہے لالہ زار دیکھو

اداؤں میں مری جادوگری ہے

مری ہستی مکمل شاعری ہے

ہوس کے مارو میں بازار میں ہوں

گل تر ہوں پہ نوک خار میں ہوں

مرے حسن و جوانی کے مناسب

لگاؤ دام اور مجھ کو خریدو

کہ ہر صورت ادا کرنا ہے مجھ کو

کسی بیوی کی لاچاری کا قرضہ

کسی شوہر کی بیماری کا قرضہ

miri zulfen nahin kali ghata hain

miri peshani hai mahtab jaisi

miri ankhen kanwal ki pankhuri hain

mire lab hain gulabon se mushabeh

mire galon mein hai lali shafaq ki

miri gardan surahi dar dekho

miri bahen hain misl-e-shakh-e-sandal

badan mera hai lala zar dekho

adaon mein miri jadugari hai

miri hasti mukammal shayari hai

hawas ke maro mein bazar mein hun

gul-e-tar hun pe nok-e-khar mein hun

mire husn-o-jawani ke munasib

lagao dam aur mujh ko kharido

ke har surat ada karna hai mujh ko

kisi biwi ki lachari ka qarza

kisi shauhar ki bimari ka qarza