کیا کہوں زخم کتنا گہرا ہے

کیا کہوں زخم کتنا گہرا ہے

دور تک صرف محض صحرا ہے

ہر قدم پر بگولے رقصاں ہیں

راہ میں ہر سو شعلے رقصاں ہیں

نہ شجر ہے نہ کوئی سایہ ہے

کوئی چشمہ نہ کوئی دریا ہے

دھوپ سر پر برستی رہتی ہے

پیاس لب پر لرزتی رہتی ہے

تیرگی چشم تر پہ طاری ہے

اور سفر ہے کہ پھر بھی جاری ہے

kya kahun zakhm kitna gahra hai

dur tak sirf mahz sahra hai

har qadam par bagule raqsan hain

rah mein har su shole raqsan hain

na shajar hai na koi saya hai

koi chashma na koi dariya hai

dhup sar par barasti rahti hai

pyas lab par larazti rahti hai

tirgi chashm-e-tar pe tari hai

aur safar hai ke phir bhi jari hai