میں اس دن کی روشن اور

میں اس دن کی روشن اور

سفاک سحر کے ساحل پر

آنکھیں ملتے دھوپ سے لڑتے

بھاگ رہی ہوں

جس نے مجھ پر کھلنے والے

سب دروازے بھیڑ دئے ہیں

چاند تراشے سب دروازے

دروازوں کے پیچھے وہ

جھلمل جھلمل

تاروں میں ملفوف مناظر

سپنا تھے

منظر منظر کھلنے میں بھی

کیسی نٹ کھٹ بھول بھلیاں

کتنے سندر بل چھل تھے

ورنہ جادو نگری میں

کوئی کرتا کیسے رین بسر

main us din ki raushan aur

saffak sahar ke sahil par

ankhen milte dhup se larte

bhag rahi hun

jis ne mujh par khulne wale

sab darwaze bhir diye hain

chand tarashe sab darwaze

darwazon ke pichhe wo

jhilmil jhilmil

taron mein malfuf manazir

sapna the

manzar manzar khulne mein bhi

kaisi nat khit bhul bhaliyan

kitne sundar bal chhal the

warna jadu nagri mein

koi karta kaise rain basar