ہمیں کس نے دھکیلا اس طرف

ہمیں کس نے دھکیلا اس طرف

ان نور برساتی ہوئی نیلی فضاؤں سے

عنابی سرخ پھولوں سے اٹی

مخمل ردائی سر زمینوں سے

کنار آب جو سے

وہ جہاں سیال چاندی بہہ رہی تھی

ہمیں کس نے جگایا

گنگناتے خواب سے

جس میں کسی لحن مسلسل کی

حسیں تکرار سے میٹھے مدھر نغمے ابھرتے تھے

وہ جادو سی جکڑ قدموں میں آنکھوں میں

سماعت میں

ہمیں کس نے ہٹایا فیض پرور ریگ زاروں سے

وہ جن کی ریت پر من کی فروزاں روشنی سے

ان سرابوں کی چھبی بنتی

وہ جن کی تشنگی سے روح تک سیراب رہتی تھی

ہمیں کس نے

hamen kis ne dhakela is taraf

un nur barsati hui nili fazaon se

unnabi surkh phulon se ati

makhmal ridai sar zaminon se

kanar-e-ab ju se

wo jahan sayyal chandi bah rahi thi

hamen kis ne jagaya

gungunate khwab se

jis mein kisi lahn musalsal ki

hasin takrar se mithe madhur naghme ubharte the

wo jadu si jakar qadmon mein ankhon mein

samaat mein

hamen kis ne hataya faiz parwar reg zaron se

wo jin ki ret par man ki farozan raushni se

in sarabon ki chhabbi banti

wo jin ki tishnagi se ruh tak sairab rahti thi

hamen kis ne