اے زمانے

اے زمانے

ہم تری تکذیب کر سکتے نہیں

تو نے ہٹائے پردہ ہائے خوش نما

وہ جن کے پیچھے چھپ کے بیٹھی

زندگی پہچان بھی پاتے تو کیسے

اے زمانے

ہم تری تکذیب کر سکتے نہیں

کانٹوں پہ تو نے جب گھسیٹا تو

سبک پھولوں میں تلنے کی

کتابی خواہشوں سے جان چھوٹی

اے زمانے تو نے ہم کو

تجربہ گاہ نفی میں

لا کے پھینکا تو

تباہ ذات کی

اصلی گزر گاہوں کا نظارہ ملا

اے زمانے ہم کو بتلایا ہے تو نے

دوسروں کے پاؤں میں رہنے

پڑے رہنے سے

وہ جا آستانہ دل کا بن سکتی نہیں

من کی مرادیں بر تو آتی ہیں

مگر اپنے ہی در کو کھٹکھٹانے سے

لگن کو آزمانے سے

ai zamane

ham tiri takzib kar sakte nahin

tu ne hatae parda ha-e-khush numa

wo jin ke pichhe chhup ke baithi

zindagi pahchan bhi pate to kaise

ai zamane

ham tiri takzib kar sakte nahin

kanton pe tu ne jab ghasita to

subuk phulon mein talne ki

kitabi khwahishon se jan chhoti

ai zamane tu ne ham ko

tajriba gah nafi mein

la ke phenka to

tabah zat ki

asli guzar gahon ka nazara mila

ai zamane ham ko batlaya hai tu ne

dusron ke paon mein rahne

pare rahne se

wo ja astana dil ka ban sakti nahin

man ki muraden bar to ati hain

magar apne hi dar ko khatkhatane se

lagan ko azmane se