مگر اے روشنی

مگر اے روشنی

اے کائناتی روشنی

ان سورجوں تاروں زمینوں

کہکشاؤں کے لیے دل میں

ترا نور محبت ایک جیسا ہے

مجھے پاتال سے کھینچا

مرا میلا بدن دھویا

الوہی گھیر میں لے کر

مری ان خشک جھیلوں کو

مقدس آنسوؤں سے

پھر شناسا کر دیا

اے روشنی

ان خشک جھیلوں کے کناروں پر

تری ہلکی سی شبنم سے

ترے شیتل جھپاکے میں چھپی

میٹھی حرارت سے

میں سرما کے گلابوں کی

کوئی بے انت کھیتی خود اگا لوں گی

کہ مجھ میں سورجوں کے ظلم سہنے کی

سکت باقی نہیں

magar ai raushni

ai kainati raushni

in surajon tarun zaminon

kekushaon ke liye dil mein

tira nur-e-mohabbat ek jaisa hai

mujhe patal se khincha

mira maila badan dhoya

uluhi gher mein le kar

miri un khushk jhilon ko

muqaddas ansuon se

phir shanasa kar diya

ai raushni

un khushk jhilon ke kinaron par

tiri halki si shabnam se

tire shetal jhapikke mein chhupi

mithi hararat se

main sarma ke gulabon ki

koi be ant kheti khud uga lungi

ke mujh mein surajon ke zulm sahne ki

sakat baqi nahin