حبیب جاں

حبیب جاں

تم اگر وبا کے دنوں میں آئے

تو بصد عقیدت و محبت

تمہارے ہاتھ چوموں گی

کیونکہ یہ میرے مسیحا کے ہاتھ ہیں

تمہاری چادر کو اپنے ہاتھوں سے

تہہ کر کے اپنے سرہانے رکھوں گی

کہ اس بکل کی حرارت مجھ پر

کشف کے در کھولتی ہے

تمہارے جوتوں کو قرینے سے جوڑ

کر پلنگ کے پاس رکھوں گی

تمہارے ساتھ ایک پلیٹ میں

کھانا کھاؤں گی

اور تمہاری ضدی نظروں کا

بھرم رکھوں گی

نہ جانے مجھے کیوں لگتا ہے

کہ وبا کی آنکھ میں

محبت کرنے والوں کے لیے

کچھ حیا باقی ہوگی

habib jan

tum agar waba ke dinon mein ae

tu basad aqidat-o-mohabbat

tumhare hath chumungi

kyunke ye mere masiha ke hath hain

tumhari chadar ko apne hathon se

tah kar ke apne sirhane rakhungi

ke is bakal ki hararat mujh par

kashf ke dar kholti hai

tumhare juton ko qarine se jor

kar palang ke pas rakhungi

tumhare sath ek palet mein

khana khaungi

aur tumhari ziddi nazron ka

bharam rakhungi

na jane mujhe kyun lagta hai

ke waba ki ankh mein

mohabbat karne walon ke liye

kuchh haya baqi hogi