اے ناظر بے خبر

اے ناظر بے خبر

اب تم نا ہی آؤ تو اچھا ہے

اب یہاں پھر شروع سے شروع کون کرے

لمحہ لمحہ شب غم کا یوں عدو کون کرے

ہونٹ سوکھے ہیں انہیں پھر سے کماں کون کرے

دید کو چشمہ و شمشیر زباں کون کرے

شام کو پھر سے چراغاں کروں ہمت ہی نہیں

قصے وہ پھر سے سناؤں تجھے قوت ہی نہیں

جو دریا بہہ گیا وہ پھر نہ لوٹ کر آتا

ہوں اداکار اداکاری نہیں کر پاتا

تو مجھے اب کے کسی اور موڑ پر ملنا

نیا ہو زخم بہے پھر کوئی خوں کا جھرنا

یہ زندگی ہے تماشہ کیا تجھے علم نہیں

جو لمحہ ٹل گیا سو ٹل گیا یہ فلم نہیں

اے ناظر بے خبر

اب تم نا ہی آؤ تو اچھا ہے

ai nazir be khabar

ab tum na hi ao to achchha hai

ab yahan phir shuru se shuru kaun kare

lamha lamha shab-e-gham ka yun adu kaun kare

hont sukhe hain unhen phir se kaman kaun kare

did ko chashma-o-shamshir-e-zaban kaun kare

sham ko phir se charaghan karun himmat hi nahin

qisse wo phir se sunaun tujhe quwwat hi nahin

jo dariya bah gaya wo phir na laut kar ata

hun adakar adakari nahin kar pata

tu mujhe ab ke kisi aur mor par milna

naya ho zakhm bahe phir koi khun ka jharna

ye zindagi hai tamasha kya tujhe ilm nahin

jo lamha tal gaya so tal gaya ye film nahin

ai nazir be khabar

ab tum na hi ao to achchha hai