ہر طرف تیرا آئنہ دیکھا

ہر طرف تیرا آئنہ دیکھا

حسن قدرت کا بے بہا دیکھا

اپنی آنکھوں میں وہ نظر آیا

ہم نے جب جب بھی آئنہ دیکھا

میرے احساس میں نہاں ہے تو

خواب میں تجھ کو جا بجا دیکھا

تھک گئی ہوں اکیلے چل چل کر

دل ہوا خوش جو قافلہ دیکھا

منتظر ہوں تری زمانے سے

اک دیا بن کے راستہ دیکھا

عشق کی انتہا پہ آ کر میں

سوچتی ہوں کہ تجھ میں کیا دیکھا

har taraf tera aina dekha

husn qudrat ka be baha dekha

apni ankhon mein wo nazar aya

ham ne jab jab bhi aina dekha

mere ehsas mein nihan hai tu

khwab mein tujh ko ja baja dekha

thak gai hun akele chal chal kar

dil hua khush jo qafila dekha

muntazir hun tiri zamane se

ik diya ban ke rasta dekha

ishq ki intiha pe a kar main

sochti hun ke tujh mein kya dekha