یورپ جس وحشت سے اب بھی سہما سہما رہتا ہے

یورپ جس وحشت سے اب بھی سہما سہما رہتا ہے

خطرہ ہے وہ وحشت میرے ملک میں آگ لگائے گی

جرمن گیس کدوں سے اب تک خون کی بدبو آتی ہے

اندھی وطن پرستی ہم کو اس رستے لے جائے گی

اندھے کنویں میں جھوٹ کی ناؤ تیز چلی تھی مان لیا

لیکن باہر روشن دنیا تم ث سچ بلوائے گی

نفرت میں جو پلے بڑھے ہیں نفرت میں جو کھیلے ہیں

نفرت دیکھو آگے آگے ان سے کیا کروائے گی

فنکاروں سے پوچھ رہے ہو کیوں لوٹائے ہیں سمان

پوچھو کتنے چپ بیٹھے ہیں شرم انہیں کب آئے گی

یہ مت کھاؤ وہ مت پہنو عشق تو بالکل کرنا مت

دیش دروہ کی چھاپ تمہارے اوپر بھی لگ جائے گی

یہ مت بھولو اگلی نسلیں روشن شعلہ ہوتی ہیں

آگ کریدو گے چنگاری دامن تک تو آئے گی

yorap jis wahshat se ab bhi sahma sahma rahta hai

khatra hai wo wahshat mere mulk mein ag lagaegi

jarman gais kadon se ab tak khun ki badbu ati hai

andhi watan parasti ham ko is raste le jaegi

andhe kuen mein jhut ki nao tez chali thi man liya

lekin bahar raushan duniya tum s sach balwa-e-gi

nafrat mein jo pale barhe hain nafrat mein jo khele hain

nafrat dekho age age un se kya karwaegi

fankaron se puchh rahe ho kyun lautae hain samin

puchho kitne chup baithe hain sharm unhen kab aegi

ye mat khao wo mat pahno ishq to bilkul karna mat

desh diroh ki chhap tumhare upar bhi lag jaegi

ye mat bhulo agli naslen raushan shola hoti hain

ag kuredoge chingari daman tak to aegi