جب دریا میں آگ لگی

جب دریا میں آگ لگی

بلی نے اک جست لگائی جا بیٹھی دیوار پر

کچھوے کو اڑنا آتا تھا اڑ کر بیٹھا تار پر

مینڈک کو آگے جانا تھا وہ تو بھاگا کار پر

تار پہ بلی ناچ رہی تھی کچھوے سے یہ بولی

آؤ بادل میں چھپ جائیں کھیلیں آنکھ مچولی

مچھلی بیٹی اونگھ رہی تھی وہ بھی پیچھے ہو لی

جب دریا میں آگ لگی

بادل میں تھا پانی کم کم لیکن دھوپ تھی زیادہ

دھوپ کے بستر پر لیٹا تھا بارش کا شہزادہ

سب میں اولے بانٹ رہا تھا شہزادے کا دادا

جب دریا میں آگ لگی

مچھلی نے آواز لگائی مجھ کو بھی دو اولے

بلی اور کچھوے کو دیکھا پھر دادا جی بولے

بادل کے جو دروازے تھے جا کر کس نے کھولے

جب دریا میں آگ لگی

دادا کی یہ بات سنی تو بلی دوڑی آئی

بلی کو اک دھکا مارا کچھوے سے ٹکرائی

مچھلی اپنا منہ لٹکائے نیچے واپس آئی

جب دریا میں آگ لگی

jab dariya mein ag lagi

billi ne ik jast lagai ja baithi diwar par

kachhwe ko urna ata tha ur kar baitha tar par

mendak ko age jana tha wo to bhaga kar par

tar pe billi nach rahi thi kachhwe se ye boli

ao badal mein chhup jaen khelen ankh michauli

machhli beti ungh rahi thi wo bhi pichhe ho li

jab dariya mein ag lagi

badal mein tha pani kam kam lekin dhup thi ziyada

dhup ke bistar par leta tha barish ka shahzada

sab mein ole bant raha tha shahzade ka dada

jab dariya mein ag lagi

machhli ne awaz lagai mujh ko bhi do ole

billi aur kachhwe ko dekha phir dada ji bole

badal ke jo darwaze the ja kar kis ne khole

jab dariya mein ag lagi

dada ki ye bat suni to billi dauri ai

billi ko ik dhakka mara kachhwe se takrai

machhli apna munh latkae niche wapas ai

jab dariya mein ag lagi