بھارت کے اے سپوتو ہمت دکھائے جاؤ

بھارت کے اے سپوتو ہمت دکھائے جاؤ

دنیا کے دل پہ اپنا سکہ بٹھائے جاؤ

مردہ دلی کا جھنڈا پھینکو زمین پر تم

زندہ دلی کا ہر سو پرچم اڑائے جاؤ

لاؤ نہ بھول کر بھی دل میں خیال پستی

خوش حالئ وطن کا بیڑا اٹھائے جاؤ

تن من مٹائے جاؤ تم نام قومیت پر

راہ وطن میں اپنی جانیں لڑائے جاؤ

کم ہمتی کا دل سے نام و نشاں مٹا دو

جرأت کا لوح دل پر نقشہ جمائے جاؤ

اے ہندوؤ مسلماں آپس میں ان دنوں تم

نفرت گھٹائے جاؤ الفت بڑھائے جاؤ

بکرمؔ کی راج نیتی اکبرؔ کی پالیسی کی

سارے جہاں کے دل پر عظمت بٹھائے جاؤ

جس کشمکش نے تم کو ہے اس قدر مٹایا

تم سے ہو جس قدر تم اس کو مٹائے جاؤ

جن خانہ جنگیوں نے یہ دن تمہیں دکھائے

اب ان کی یاد اپنے دل میں بھلائے جاؤ

بے خوف گائے جاؤ ''ہندوستاں ہمارا''

اور ''وندے ماترم'' کے نعرے لگائے جاؤ

جن دیش سیوکوں سے حاصل ہے فیض تم کو

ان دیش سیوکوں کی جے جے منائے جاؤ

جس ملک کا ہو کھاتے دن رات آب و دانہ

اس ملک پر سروں کی بھیٹیں چڑھائے جاؤ

پھانسی کا جیل کا ڈر دل سے فلکؔ مٹا کر

غیروں کے منہ پہ سچی باتیں سناتے جاؤ

bharat ke ai suputo himmat dikhae jao

duniya ke dil pe apna sikka bithae jao

murda dili ka jhanda phenko zamin par tum

zinda dili ka har su parcham urae jao

lao na bhul kar bhi dil mein khayal pasti

khush hali-e-watan ka bera uthae jao

tan man mitae jao tum nam qaumiyyat par

rah-e-watan main apni janen larae jao

kam himmati ka dil se nam-o-nishan mita do

jurat ka lauh-e-dil par naqsha jamae jao

ai handuo musalman apas mein in dinon tum

nafrat ghatae jao ulfat barhae jao

bukram ki raj naiti akbar ki palisi ki

sare jahan ke dil par azmat bithae jao

jis kashmakash ne tum ko hai is qadar mitaya

tum se ho jis qadar tum us ko mitae jao

jin khana jangiyon ne ye din tumhen dikhae

ab un ki yad apne dil mein bhulae jao

be khauf gae jao ''hindostan hamara''

aur ''wande matram'' ke naare lagae jao

jin desh sewakon se hasil hai faiz tum ko

un desh sewakon ki jai jai manae jao

jis mulk ka ho khate din rat ab-o-dana

is mulk par saron ki bhitin charhae jao

phansi ka jel ka dar dil se falak mita kar

ghairon ke munh pe sachchi baten sunate jao