غم کی چھا جائے گی دنیا میں گھٹا میرے بعد

غم کی چھا جائے گی دنیا میں گھٹا میرے بعد

اور برسیں گے بہت تیر بلا میرے بعد

دیکھنا حشر کیا ہوتا ہے کہ جب آئے گی

در و دیوار سے رونے کی صدا میرے بعد

بجلیاں چمکیں گی آلام و مصائب کی اگر

غم کی چل جائے گی ہر سمت ہوا میرے بعد

اپنی ٹھوکر سے مری قبر کو ڈھایا آ کر

ظلم یہ اور بھی ظالم نے کیا میرے بعد

آج دل کھول کے تم ظلم و ستم کر ڈالو

پھر چلاؤ گے کہاں تیغ جفا میرے بعد

میری صورت سے بھی چڑھ ہو گئی پیدا جن کو

خوں رلائے گی انہیں میری وفا میرے بعد

ہاتھ سے اپنے مٹانے پہ تلے ہو لیکن

کون بھگتے گا محبت کی سزا میرے بعد

خود ہی پچھتاؤ گے دنیا سے مٹا کر مجھ کو

تم کو بیداد کا آئے گا مزا میرے بعد

اپنے بیمار محبت کو نہ تڑپاؤ تم

پھر دکھا لینا انہیں ناز و ادا میرے بعد

وہ بہانے لگے آنکھوں سے لہو کے آنسو

رنگ لے آئی ہے یہ میری وفا میرے بعد

آفتابؔ آج محبت نے اثر دکھلایا

ان کے سینے میں بھی اب درد اٹھا میرے بعد

gham ki chha jaegi duniya mein ghata mere baad

aur barsenge bahut tir bala mere baad

dekhna hashr kya hota hai ke jab aegi

dar-o-diwar se rone ki sada mere baad

bijliyan chamkengi alam-o-masaib ki agar

gham ki chal jaegi har samt hua mere baad

apni thokar se miri qabr ko dhaya a kar

zulm ye aur bhi zalim ne kiya mere baad

aj dil khol ke tum zulm-o-sitam kar dalo

phir chillaoge kahan tegh-e-jafa mere baad

meri surat se bhi charh ho gai paida jin ko

khun rulaegi unhen meri wafa mere baad

hath se apne mitane pe tale ho lekin

kaun bhugtega mohabbat ki saza mere baad

khud hi pachhtaoge duniya se mita kar mujh ko

tum ko bedad ka aega maza mere baad

apne bimar-e-mohabbat ko na tarpao tum

phir dikha lena unhen naz-o-ada mere baad

wo bahane lage ankhon se lahu ke ansu

rang le ai hai ye meri wafa mere baad

aftab aj mohabbat ne asar dikhlaya

un ke sine mein bhi ab dard utha mere baad