التمش میر مجھ کو قتل کرو

التمش میر مجھ کو قتل کرو

اپنی قربت کے شیریں خنجر سے

یا کہ اک لمحے کو بھی ٹھہرے بن

جلد پہ نقش ہوتے نشتر سے

بوسے بوسے کو کانچ کانچ کرو

نرمیٔ لب کو آنچ آنچ کرو

کانچ کے آر پار سانسوں کی

گنگنی گیلی دھوپ آنے دو

ریزہ کر دو قبا کی زنجیریں

بھول جاؤ حیا کی تدبیریں

اپنی بیتابیوں کے دریا میں

کھینچ لو مجھ کو ڈوب جانے دو

مجھ میں اترو خمار شب ہو کر

مجھ پہ بکھرو نہ تم طرب ہو کر

مجھ کو دنیا سے بے خبر کر دو

مجھ پہ دنیا کو بے اثر کر دو

جسم شعلہ بنے سو بن جائے

داغ دل پہ لگے سو لگ جائے

مجھ کو کیونکر گریز ہونا ہے

ایسے آزار جان پرور سے

تم رہو جان میری پاس مرے

وہ یہ ساری نوازشیں مجھ پر

آنے والی سحر سے قبل کرو

التمش میر مجھ کو قتل کرو

altamish mir mujh ko qatl karo

apni qurbat ke shirin khanjar se

ya ke ik lamhe ko bhi thahre ban

jald pe naqsh hote nashtar se

bose bose ko kanch kanch karo

narmi-e-lab ko anch anch karo

kanch ke ar par sanson ki

gingini gili dhup ane do

reza kar do qaba ki zanjiren

bhul jao haya ki tadbiren

apni betabiyon ke dariya mein

khinch lo mujh ko dub jane do

mujh mein utro khumar-e-shab ho kar

mujh pe bikhro na tum tarab ho kar

mujh ko duniya se be khabar kar do

mujh pe duniya ko be asar kar do

jism shola bane so ban jae

dagh-e-dil pe lage so lag jae

mujh ko kyunkar gurez hona hai

aise azar jan parwar se

tum raho jan meri pas mire

wo ye sari nawazishen mujh par

ane wali sahar se qabl karo

altamish mir mujh ko qatl karo