گئے زمانوں سے

گئے زمانوں سے

تیرگی میں بھٹکنے والو

ستم کی لمبی سیاہ رات

اب گزرنے والی ہے

اور مشرق سے

رتھ میں بیٹھا ہوا وہ پیکر

کہ جس کی آمد کے

تم ہمیشہ سے منتظر تھے

کہ جس کی آمد کے خواب بن بن کے

رات آنکھوں میں کاٹتے تھے

سنہری کرنوں کا تاج پہنے

نکلنے والا ہے

طلوع فردا کی آس میں

تیرگی کی راہوں پہ چلنے والو

تمہیں بشارت ہو

تیرگی ختم ہو رہی ہے

طلوع فردا قریب تر ہے

طلوع فردا قریب تر ہے

gae zamanon se

tirgi mein bhatakne walo

sitam ki lambi siyah rat

ab guzarne wali hai

aur mashriq se

rath mein baitha hua wo paikar

ke jis ki amad ke

tum hamesha se muntazir the

ke jis ki amad ke khwab ban ban ke

rat ankhon mein katte the

sunahri kirnon ka taj pahne

nikalne wala hai

tulu-e-farda ki as mein

tirgi ki rahon pe chalne walo

tumhen basharat ho

tirgi khatm ho rahi hai

tulu-e-farda qarib tar hai

tulu-e-farda qarib tar hai