رخسار و لب کوکب صفت

رخسار و لب کوکب صفت

اتنے کہ یادوں کے لئے ممکن نہیں تجدید بھی

خورشید بھی ناہید بھی

اس پر وہ جذب بے کراں سنگیں حصاروں کا عدو

وہ ماہرو

ایسے گریزاں جیسے ساحل سے پلٹتی موج

آمیزش کہاں

کتنا ضیاع جسم و جاں

جس میں نہ تھی موج صبا موج ضیا

ایسا ضیاع ناروا

اب دیدۂ حیراں مرا

آئینہ ساں ساکت مثال شام یزداں محو تخئیل و گماں

کتنے ستارے ہوش کے

پہنائے صبح حسن میں کھوئے گئے

آشفتگی صحرا و دریا کی طرح

صہبائے غلطاں کی طرح

حسن ایک شاخ بے ثمر

مضراب جاں سوز فغاں

جیسے شبستان شب مہتاب پر بے سود منڈلائی ہوا

خواب نمو ناپید تر

وہ بے خبر رخسار و لب

اس شوق کے کتنے شبستاں خواب سے عاری ہوئے

بے مہر چہروں کی کئی شامیں نظر کے سامنے

جیسے متاع نرم دست بے ہنر کے سامنے

rukhsar-o-lab kaukab sifat

itne ke yadon ke liye mumkin nahin tajdid bhi

khurshid bhi nahid bhi

us par wo jazb-e-be karan sangin hisaron ka adu

wo mahru

aise gurezan jaise sahil se palatti mauj

amezish kahan

kitna ziya jism-o-jan

jis mein na thi mauj-e-saba mauj ziya

aisa ziya-e-narawa

ab dida-e-hairan mira

aina san sakit misal-e-sham-e-yazdan mahw-e-takhil-o-guman

kitne sitare hosh ke

pahnae subh husn mein khoe gae

ashuftagi sahra-o-dariya ki tarah

sahba-e-ghaltan ki tarah

husn ek shakh-e-be samar

mizrab-e-jan soz-e-fughan

jaise shabistan-e-shab-e-mahtab par be sud mandlai hua

khwab numu napaid tar

wo be khabar rukhsar-o-lab

is shauq ke kitne shabistan khwab se ari hue

be mehr chehron ki kai shamen nazar ke samne

jaise mata-e-narm dast-e-be hunar ke samne