مجھے پانیوں پہ رقم کرو

مجھے پانیوں پہ رقم کرو

کہ مری بساط غبار ہے

جو نشانیاں ہیں مری یہاں

انہیں بحر گرد میں ضم کرو

مرے آنسوؤں مرے قہقہوں

کو خیال و خواب کا نام دو

مری قربتوں کے گھنے شجر

کو خزاں کا کوئی پیام دو

کہ نہاں اسی میں فرار ہے

کہ مری بساط غبار ہے

mujhe paniyon pe raqam karo

ke miri bisat-e-ghubar hai

jo nishaniyan hain miri yahan

unhen bahr gard mein zam karo

mire ansuon mire qahqahon

ko khayal-o-khwab ka nam do

miri qurbaton ke ghane shajar

ko khizan ka koi payam do

ke nihan isi mein farar hai

ke miri bisat-e-ghubar hai