کس سے پوچھئے جا کر کیوں بگڑ گئے بچے

کس سے پوچھئے جا کر کیوں بگڑ گئے بچے

آتشیں کھلونوں سے کھیلنے لگے بچے

کچھ نئے تقاضے ہیں اس نئے زمانے کے

اب کہاں مچلتے ہیں چاند کے لیے بچے

کھو گئے تعصب کے بے کراں اندھیروں میں

شہر کی فضاؤں میں میرے گاؤں کے بچے

دو گھڑی لڑائی ہے پھر وہی صفائی ہے

ہم بڑوں سے اچھے ہیں بے شعور سے بچے

اک قدم بھی پھر آگے میں نہ چل سکا شاہدؔ

جب کڑی مسافت میں یاد آ گئے بچے

kis se puchhiye ja kar kyun bigar gae bachche

atishin khilaunon se khelne lage bachche

kuchh nae taqaze hain is nae zamane ke

ab kahan machalte hain chand ke liye bachche

kho gae taassub ke be karan andheron mein

shahr ki fazaon mein mere gaon ke bachche

do ghari larai hai phir wahi safai hai

ham baron se achchhe hain be shuur se bachche

ik qadam bhi phir age main na chal saka shahid

jab kari masafat mein yad a gae bachche