سانپ! آ کاٹ مجھے ایڑی پر

سانپ! آ کاٹ مجھے ایڑی پر

میں تجھے دانۂ گندم کی قسم دیتا ہوں

شہر کے اونچے مکانوں پہ چمکتا سورج

مجھ سے کہتا ہے کہ تو ننگا ہے

اور مری روح مجھے کہتی ہے

جسم کو ڈھانک مری شہر میں تذلیل نہ کر

مجھ کو احساس ہے میں ننگا ہوں

صبح کے نور کے مانند مجھے

کوئی ملبوس ازل سے نہ ملا

سبز پتوں نے سہارا نہ دیا

سانپ! آ کاٹ مجھے

بخش دے موت کا ملبوس مجھے

دیکھ اب جسم مرا

دن کی گرمی سے جھلستا ہے کبھی

اور پھر رات کی سردی سے ٹھٹھرتا ہے کبھی

اور مری روح مجھے کہتی ہے

جسم کو ڈھانک مری شہر میں تذلیل نہ کر

سانپ! آ کاٹ مجھے ایڑی پر

اور مرے جسم کو گھلتا ہوا تانبا کر دے

صبح کا نور جسے دیکھ کے شرما جائے

اور مری روح کہے

اب تجھے موت نہیں آئے گی

میں تجھے دانۂ گندم کی قسم دیتا ہوں

sanp! a kat mujhe eri par

main tujhe dana-e-gandum ki qasam deta hun

shahr ke unche makanon pe chamakta suraj

mujh se kahta hai ke tu nanga hai

aur miri ruh mujhe kahti hai

jism ko dhank miri shahr mein tazlil na kar

mujh ko ehsas hai main nanga hun

subh ke nur ke manind mujhe

koi malbus-e-azal se na mila

sabz patton ne sahara na diya

sanp! a kat mujhe

bakhsh de maut ka malbus mujhe

dekh ab jism mira

din ki garmi se jhulasta hai kabhi

aur phir rat ki sardi se thitharta hai kabhi

aur miri ruh mujhe kahti hai

jism ko dhank miri shahr mein tazlil na kar

sanp! a kat mujhe eri par

aur mire jism ko ghulta hua tanba kar de

subh ka nur jise dekh ke sharma jae

aur miri ruh kahe

ab tujhe maut nahin aegi

main tujhe dana-e-gandum ki qasam deta hun