میں نے پوچھا تھا ستاروں سے

میں نے پوچھا تھا ستاروں سے

اور اس پیلے گلاب کی پنکھڑیوں سے بھی

پھر میں نے باقی سب سے بھی پوچھا

وہ نیم کا درخت

اس میں رہنے والی وہ چڑیا

اس کے ساتھ کھیلنے والی نرم دھوپ اور ٹہنیوں میں چھپنے والا چاند

ایک ایک کر سب سے بات کی میں نے

اور سب کہتے ہیں تم آؤ گے

سوائے تمہارے

main ne puchha tha sitaron se

aur is pile gulab ki pankhuriyon se bhi

phir main ne baqi sab se bhi puchha

wo nim ka darakht

is mein rahne wali wo chiriya

us ke sath khelne wali narm dhup aur tahniyon mein chhupne wala chand

ek ek kar sab se bat ki main ne

aur sab kahte hain tum aoge

siwae tumhare