رات کے لمبے سائے

رات کے لمبے سائے

پیروں سے آ لپٹتے ہیں

اے میرے ہم سفر

ہمہ تن گوش رہنا

رقص سے ذرا دیر پہلے

گرم خون کی لو ناچتی ہے

اور بیتابی ہمیشہ

چاند کو پاؤں لگا دیتی ہے

ہم کسی دن یا

سورج کی بات نہیں کر رہے

کیا تمہیں پتا نہیں

خواب اور کونپلیں رات کو اگتی ہیں

اور دن میں کاٹی جاتی ہیں

rat ke lambe sae

pairon se a lipatte hain

ai mere ham safar

hama tan gosh rahna

raqs se zara der pahle

garm khun ki lau nachti hai

aur betabi hamesha

chand ko paon laga deti hai

ham kisi din ya

suraj ki bat nahin kar rahe

kya tumhen pata nahin

khwab aur konpalen rat ko ugti hain

aur din mein kati jati hain