میں جلتا رہتا ہوں

میں جلتا رہتا ہوں

دو حصوں میں

میں جینے کی کوشش نہیں کرتا

لوگ مجھے جینا چاہتے ہیں

یوں ہی بکھرے وجودوں میں

وہ مجھے چن چن کر اوڑھ لیتے ہیں

بھوکے پیٹوں بے حیات پوروں میں

کوئی لفظ نہیں ہوتا

جانے کیوں میں ان کی زبان کی گالی بن جاتا ہوں

میں ننگ نفس میں اٹھتا ہوں

بیٹھتا ہوں

کوئی غیر مرئی قوت

مجھے اپنے طبقے سے چپکائے رکھتی ہے

جب کبھی میں خود کو

ان سے

الگ کرنا چاہتا ہوں

ہمیشہ کی طرح دروازے کے باہر رہ جاتا ہوں

مجھے ڈھونڈھنا بڑا آسان ہے

مجھے ڈھونڈنے کے لئے

ہر حکمران اپنی لغت رکھتا ہے

main jalta rahta hun

do hisson mein

main jine ki koshish nahin karta

log mujhe jina chahte hain

yun hi bikhre wajudon mein

wo mujhe chun chun kar orh lete hain

bhuke pitun be hayat poron mein

koi lafz nahin hota

jane kyun main un ki zaban ki gali ban jata hun

main nang-e-nafas mein uthta hun

baithta hun

koi ghair mari quwwat

mujhe apne tabqe se chipkae rakhti hai

jab kabhi main khud ko

un se

alag karna chahta hun

hamesha ki tarah darwaze ke bahar rah jata hun

mujhe dhundhna bara asan hai

mujhe dhundne ke liye

har hukmran apni lughat rakhta hai