میں نے ہواؤں کا گیت سننا چاہا

میں نے ہواؤں کا گیت سننا چاہا

مگر سن نہ سکا

گیت بازاری بھاؤ تاؤ سے کتراتے ہیں

اور یہاں وحشت زدہ آوازوں میں سے

ترنم کی علیحدگی کا کوئی بندوبست نہیں

جب میں سویا ہوا تھا

ہوا بھوکے بچوں کی لوری بن گئی تھی

میں ہوا کو معطر محسوس کرنا چاہتا ہوں

مگر یہ ہمیشہ

جھلسی ہوئی لاشیں ڈھونڈ لیتی ہے

یہ تپتی ہوئی لو میں

اور سردیوں کی اداس ٹھٹھرتی ہوئی شام کو

لوگوں کے پھٹے ہوئے کپڑوں میں گھس جاتی ہے

ہوا ایک بہترین خطیب ہے

جب ہم

گرم یا سرد ہونے لگیں

یہ تقدیر کے الفاظ بن کر

ہمارے کانوں میں چھپ جاتی ہے

ہوا ایک قلم ہے

جو پرانی کہانی میں ہر روز نئے کردار گاڑ دیتا ہے

main ne hawaon ka git sunna chaha

magar sun na saka

git bazari bhao tao se katrate hain

aur yahan wahshat zada awazon mein se

tarannum ki alahidagi ka koi bandobast nahin

jab main soya hua tha

hawa bhuke bachchon ki lori ban gai thi

main hawa ko muattar mahsus karna chahta hun

magar ye hamesha

jhulsi hui lashen dhund leti hai

ye tapti hui lo mein

aur sardiyon ki udas thitharti hui sham ko

logon ke phate hue kapron mein ghis jati hai

hawa ek behtaren khatib hai

jab ham

garm ya sard hone lagen

ye taqdir ke alfaz ban kar

hamare kanon mein chhup jati hai

hawa ek qalam hai

jo purani kahani mein har roz nae kirdar gar deta hai