میرے اطمینان کے لئے

میرے اطمینان کے لئے

نیلے سمندر

حسین جھیل

یا کسی گھاس سے لپٹے ہوئے تالاب کا ذکر ضروری نہیں

میرا یقین سمندر جھیل اور ایک تالاب سے زیادہ سادہ ہے

یہ آنکھوں پہ ہی اعتبار کر لیتا ہے

آنکھیں چاہے سوکھی ہوں

یا پر آشوب

ان کی گہرائی کا مقابلہ پانی سے نہیں کیا جا سکتا

آنکھیں خوش ہوں

یا اداس

لیکن یہ صرف تمہاری اپنی ہونی چاہئیں

کسی اور کی آنکھوں سے دیکھتے ہوئے

یقین کی کوئی حد نہیں ہوتی

جب اسے پتھر سے بنایا گیا ہو

یقین کے لئے کسی خاص دن کا ہونا ضروری نہیں

جب اسے خوابوں سے بنا گیا ہو

mere itminan ke liye

nile samundar

hasin jhil

ya kisi ghas se lipte hue talab ka zikr zaruri nahin

mera yaqin samundar jhil aur ek talab se ziyada sada hai

ye ankhon pe hi etibar kar leta hai

ankhen chahe sukhi hun

ya pur ashob

un ki gahrai ka muqabla pani se nahin kiya ja sakta

ankhen khush hun

ya udas

lekin ye sirf tumhari apni honi chahiyen

kisi aur ki ankhon se dekhte hue

yaqin ki koi had nahin hoti

jab use patthar se banaya gaya ho

yaqin ke liye kisi khas din ka hona zaruri nahin

jab use khwabon se bana gaya ho