دروازے پہ کھٹ سے ہوئی اک آواز

دروازے پہ کھٹ سے ہوئی اک آواز

اور میں چونک گئی

ضرور ہوگا آج کا اخبار

دروازہ کھول کر دیکھا

میرا اندازہ سہی نہیں تھا

وہاں اخبار پڑا نہیں تھا

وہاں تھا آگ کا ایک گولا

اس میں لپٹی تھیں

چند مسلی ہوئی معصوم کلیاں

کچھ گندی تنگ گلیاں

بھوک کا سوز

اور کچھ ذخیرہ‌ اندوز

بے روزگاری کا سناٹا

غربت کا چانٹا

سوکھا اور بازار مندہ

ساتھ میں خودکشی کا تھا پھندا

سرحدوں کے جھگڑے

جنگ

اور ایک خطرہ ایٹم بم

کتنے جنگل

گھٹتی ہریالی

بیماری

اسپتالوں کی بد حالی

گھوٹالوں کا شور

اور رشوت خوری کی ہوڑ

ظلم و ستم کی داستانیں

دھماکوں کی آوازیں

دماغ گھوم گیا

پھر غور سے دیکھا

ارے نہیں

وہ آج کا اخبار ہی تھا

لرزتے کانپتے ہاتھوں سے اٹھا لیا

اٹھانا تو تھا ہی نا

darwaze pe khit se hui ik awaz

aur main chaunk gai

zarur hoga aj ka akhbar

darwaza khol kar dekha

mera andaza sahi nahin tha

wahan akhbar para nahin tha

wahan tha ag ka ek gola

is mein lipti thin

chand masli hui maasum kaliyan

kuchh gandi tang galiyan

bhuk ka soz

aur kuchh zakhira andoz

be rozgari ka sannata

ghurbat ka chanta

sukha aur bazar manda

sath mein khudkushi ka tha phanda

sarhadon ke jhagre

jang

aur ek khatra aitam bam

kitne jangal

ghatti hariyali

bimari

aspatalon ki bad hali

ghotalaun ka shor

aur rishwat khuri ki hor

zulm-o-sitam ki dastanen

dhamakon ki awazen

dimagh ghum gaya

phir ghaur se dekha

are nahin

wo aj ka akhbar hi tha

larazte kanpte hathon se utha liya

uthana to tha hi na