مجھے یقیں تھا کہ مذہبوں سے

مجھے یقیں تھا کہ مذہبوں سے

کوئی بھی رشتہ نہیں ہے ان کا

مجھے یقیں تھا کہ ان کا مذہب

ہے نفرتوں کی حدوں کے اندر

مجھے یقیں تھا وہ لا مذہب ہیں

یا ان کے مذہب کا نام ہرگز

سوائے شدت کے کچھ نہیں ہے

مگر اے ہمدم

یقیں تمہارا جو ڈگمگایا

تو کتنے انساں جو ہم وطن تھے

جو ہم سفر تھے

جو ہم نشیں تھے

وہ ٹھہرے دشمن

تلاش دشمن جو شرط ٹھہری

تو بھول بیٹھے

کہ مذہبوں سے

کوئی بھی رشتہ نہیں ہے ان کا

کہ جس کو طعنہ دیا تھا تم نے

کہ اس کے مذہب کی کوکھ قاتل اگل رہی ہے

وہ ماں کہ جس کا جوان بیٹا

تمہارے وہم و گماں کی آندھی میں گم ہوا ہے

تمہارے بدلے کی آگ جس کو نگل گئی ہے

وہ دیکھو اب تک بلک رہی ہے

وہ منتظر ہے

کوئی تو کاندھے پہ ہاتھ رکھے

کہے کہ ہم نے بھی قاتلوں کی کہانیوں پر

یقیں کیا تھا

کہے کہ ہم نے گناہ کیا تھا

کہے کہ ماں ہم کو معاف کر دو

کہے کہ ماں ہم کو معاف کر دو

mujhe yaqin tha ke mazhabon se

koi bhi rishta nahin hai un ka

mujhe yaqin tha ke un ka mazhab

hai nafraton ki hadon ke andar

mujhe yaqin tha wo la mazhab hain

ya un ke mazhab ka nam hargiz

siwae shiddat ke kuchh nahin hai

magar ai hamdam

yaqin tumhara jo dagmagaya

tu kitne insan jo ham watan the

jo ham safar the

jo ham nashin the

wo thahre dushman

talash dushman jo shart thahri

tu bhul baithe

ke mazhabon se

koi bhi rishta nahin hai un ka

ke jis ko taana diya tha tum ne

ke us ke mazhab ki kokh qatil ugal rahi hai

wo man ke jis ka jawan beta

tumhare wahm-o-guman ki andhi mein gum hua hai

tumhare badle ki ag jis ko nigal gai hai

wo dekho ab tak bilk rahi hai

wo muntazir hai

koi to kandhe pe hath rakhe

kahe ke ham ne bhi qatilon ki kahaniyon par

yaqin kya tha

kahe ke ham ne gunah kya tha

kahe ke man ham ko muaf kar do

kahe ke man ham ko muaf kar do