جب دیکھو تو پاس کھڑی ہے ننھی جا سو جا

جب دیکھو تو پاس کھڑی ہے ننھی جا سو جا

تجھے بلاتی ہے سپنوں کی نگری جا سو جا

غصے سے کیوں گھور رہی ہے میں آ جاؤں گا

کہہ جو دیا ہے تیرے لیے اک گڑیا لاؤں گا

گئی نہ ضد کرنے کی عادت تیری جا سو جا

ننھی جا سو جا

ان کالے دروازوں سے مت لگ کے دیکھ مجھے

اڑ جاتی ہے نیند آنکھوں سے پا کر پاس تجھے

مجھ کو بھی سونے دے میری پیاری جا سو جا

ننھی جا سو جا

کیوں اپنوں اور بیگانوں کے شکوے کرتی ہے

کیوں آنکھوں میں آنسو لا کر آہیں بھرتی ہے

رونے سے کب رات کٹی ہے دکھ کی جا سو جا

ننھی جا سو جا

jab dekho to pas khari hai nanhi ja so ja

tujhe bulati hai sapnon ki nagri ja so ja

ghusse se kyun ghur rahi hai main a jaunga

kah jo diya hai tere liye ik guriya launga

gai na zid karne ki adat teri ja so ja

nanhi ja so ja

un kale darwazon se mat lag ke dekh mujhe

ur jati hai nind ankhon se pa kar pas tujhe

mujh ko bhi sone de meri pyari ja so ja

nanhi ja so ja

kyun apnon aur beganon ke shikwe karti hai

kyun ankhon mein ansu la kar ahen bharti hai

rone se kab rat kati hai dukh ki ja so ja

nanhi ja so ja