اک حسیں گاؤں تھا کنار آب

اک حسیں گاؤں تھا کنار آب

کتنا شاداب تھا دیار آب

کیا عجب بے نیاز بستی تھی

مفلسی میں بھی ایک مستی تھی

کتنے دل دار تھے ہمارے دوست

وہ بچارے وہ بے سہارے دوست

اپنا اک دائرہ تھا دھرتی تھی

زندگی چین سے گزرتی تھی

قصہ جب یوسف و زلیخا کا

میٹھے میٹھے سروں میں چھڑتا تھا

قصر شاہوں کے ہلنے لگتے تھے

چاک سینوں کے سلنے لگتے تھے

ik hasin gaon tha kanar-e-ab

kitna shadab tha dayar-e-ab

kya ajab be niyaz basti thi

muflisi mein bhi ek masti thi

kitne dil dar the hamare dost

wo bachare wo be sahare dost

apna ik daira tha dharti thi

zindagi chain se guzarti thi

qissa jab yusuf-o-zulekha ka

mithe mithe saron mein chhirta tha

qasr shahon ke hilne lagte the

chak sinon ke silne lagte the