ہجوم یاس میں جوت آس کی تری آواز

ہجوم یاس میں جوت آس کی تری آواز

ہم اہل درد کی ہے زندگی تری آواز

لبوں پہ کھلتے رہیں پھول شعر و نغمہ کے

فضا میں رنگ بکھیرے یونہی تری آواز

دیار دیدۂ و دل میں ہے روشنی تجھ سے

ہے چہرہ چاند مدھر چاندنی تری آواز

ہو ناز کیوں نہ مقدر پہ اپنے نورؔجہاں

تجھے قریب سے دیکھا سنی تری آواز

نہ مٹ سکے گا ترا نام رہتی دنیا تک

رہے گی یوں ہی سدا گونجتی تری آواز

hujum-e-yas mein jot as ki tiri awaz

ham ahl dard ki hai zindagi tiri awaz

labon pe khulte rahen phul sher-o-naghma ke

faza mein rang bikhere yunhi tiri awaz

dayar-e-dida-e-o dil mein hai raushni tujh se

hai chehra chand madhur chandni tiri awaz

ho naz kyun na muqaddar pe apne nurjahan

tujhe qarib se dekha suni tiri awaz

na mit sakega tira nam rahti duniya tak

rahegi yun hi sada gunjti tiri awaz