یہ کہہ رہا ہے دل بے قرار تیز چلو

یہ کہہ رہا ہے دل بے قرار تیز چلو

بہت اداس ہیں زنجیر و دار تیز چلو

جو تھک گئے ہیں انہیں گرد راہ رہنے دو

کسی کا اب نہ کرو انتظار تیز چلو

خزاں کی شام کہاں تک رہے گی سایہ فگن

بہت قریب ہے صبح بہار تیز چلو

تمہی سے خوف زدہ ہیں زمین و زر والے

تمہی ہو چشم ستم گر پہ بار تیز چلو

کرو خلوص و محبت کو رہنما اپنا

نہیں درست دلوں میں غبار تیز چلو

بہت ہیں ہم میں یہاں لوگ گفتگو پیشہ

ہے ان کا صرف یہی کاروبار تیز چلو

خرد کی سست روی سے کسے ملی منزل

جنوں ہی اب تو کرو اختیار تیز چلو

ye kah raha hai dil-e-be qarar tez chalo

bahut udas hain zanjir-o-dar tez chalo

jo thak gae hain unhen gard-e-rah rahne do

kisi ka ab na karo intizar tez chalo

khizan ki sham kahan tak rahegi saya fagan

bahut qarib hai subh-e-bahar-e-tez chalo

tumhi se khauf zada hain zamin-o-zar wale

tumhi ho chashm-e-sitam gar pe bar tez chalo

karo khulus-o-mohabbat ko rahnuma apna

nahin durust dilon mein ghubar tez chalo

bahut hain ham mein yahan log guftugu pesha

hai un ka sirf yahi karobar-e-tez chalo

khirad ki sust rawi se kise mili manzil

junun hi ab to karo ikhtiyar tez chalo