اے نظام کہن کے فرزندو

اے نظام کہن کے فرزندو

اے شب تار کے جگر بندو

یہ شب تار جاوداں تو نہیں

یہ شب تار جانے والی ہے

تا بہ کے تیرگی کے افسانے

صبح نو مسکرانے والی ہے

اے شب تار کے جگر گوشو

اے سحر دشمنو ستم گوشو

صبح کا آفتاب چمکے گا

ٹوٹ جائے گا جہل کا جادو

پھیل جائے گی ان دیاروں میں

علم و دانش کی روشنی ہر سو

اے شب تار کے نگہبانو

شمع عہد زیاں کے پروانو

شہر ظلمات کے ثنا خوانو

شہر ظلمات کو ثبات نہیں

اور کچھ دیر صبح پر ہنس لو

اور کچھ دیر کوئی بات نہیں

ai nizam-e-kuhan ke farzando

ai shab-e-tar ke jigar bando

ye shab-e-tar-e-jawedan to nahin

ye shab-e-tar jane wali hai

ta ba ke tirgi ke afsane

subh-e-nau muskurane wali hai

ai shab-e-tar ke jigar gosho

ai sahar dushmano sitam gosho

subh ka aftab chamkega

tut jaega jahl ka jadu

phail jaegi in dayaron mein

ilm-o-danish ki raushni har su

ai shab-e-tar ke nigahbano

shama ahd-e-ziyan ke parwano

shahr zulmat ke sana khwano

shahr-e-zulmat ko sabat nahin

aur kuchh der subh par hans lo

aur kuchh der koi bat nahin