اک پٹری پر سردی میں اپنی تقدیر کو روئے

اک پٹری پر سردی میں اپنی تقدیر کو روئے

دوجا زلفوں کی چھاؤں میں سکھ کی سیج پہ سوئے

راج سنگھاسن پر اک بیٹھا اور اک اس کا داس

بھئے کبیر اداس

اونچے اونچے ایوانوں میں مورکھ حکم چلائیں

قدم قدم پر اس نگری میں پنڈت دھکے کھائیں

دھرتی پر بھگوان بنے ہیں دھن ہے جن کے پاس

بھئے کبیر اداس

گیت لکھائیں پیسے نا دیں فلم نگر کے لوگ

ان کے گھر باجے شہنائی لیکھک کے گھر سوگ

گائک سر میں کیوں کر گائے کیوں نا کاٹے گھاس

بھئے کبیر اداس

کل تک تھا جو حال ہمارا حال وہی ہے آج

جالبؔ اپنے دیس میں سکھ کا کال وہی ہے آج

پھر بھی موچی گیٹ پہ لیڈر روز کریں بکواس

بھئے کبیر اداس

ik patri par sardi main apni taqdir ko roe

doja zulfon ki chhaon mein sukh ki sej pe soe

raj singhasan par ik baitha aur ik us ka das

bhue kabir udas

unche unche aiwanon mein murakh hukm chillaen

qadam qadam par is nagri mein pandat dhakke khaen

dharti par bhagwan bane hain dhun hai jin ke pas

bhue kabir udas

git likhaen paise na den film nagar ke log

un ke ghar baje shahnai lekhak ke ghar sog

gaik sar mein kyun kar gae kyun na kate ghas

bhue kabir udas

kal tak tha jo hal hamara hal wahi hai aj

jalib apne des mein sukh ka kal wahi hai aj

phir bhi muchi get pe lidar roz karen bakwas

bhue kabir udas