جب تک چند لٹیرے اس دھرتی کو گھیرے ہیں

جب تک چند لٹیرے اس دھرتی کو گھیرے ہیں

اپنی جنگ رہے گی

اہل ہوس نے جب تک اپنے دام بکھیرے ہیں

اپنی جنگ رہے گی

مغرب کے چہرے پر یارو اپنے خون کی لالی ہے

لیکن اب اس کے سورج کی ناؤ ڈوبنے والی ہے

مشرق کی تقدیر میں جب تک غم کے اندھیرے ہیں

اپنی جنگ رہے گی

ظلم کہیں بھی ہو ہم اس کا سر خم کرتے جائیں گے

محلوں میں اب اپنے لہو کے دئے نہ جلنے پائیں گے

کٹیاؤں سے جب تک صبحوں نے منہ پھیرے ہیں

اپنی جنگ رہے گی

جان لیا اے اہل کرم تم ٹولی ہو عیاروں کی

دست نگر کیوں بن کے رہے یہ بستی ہے خودداروں کی

ڈوبے ہوئے دکھ درد میں جب تک سانجھ سویرے ہیں

اپنی جنگ رہے گی

jab tak chand lutere is dharti ko ghere hain

apni jang rahegi

ahl-e-hawas ne jab tak apne dam bikhere hain

apni jang rahegi

maghrib ke chehre par yaro apne khun ki lali hai

lekin ab us ke suraj ki nao dubne wali hai

mashriq ki taqdir mein jab tak gham ke andhere hain

apni jang rahegi

zulm kahin bhi ho ham us ka sar kham karte jaenge

mahlon mein ab apne lahu ke diye na jalne paenge

kutyaon se jab tak subhon ne munh phere hain

apni jang rahegi

jan liya ai ahl-e-karam tum toli ho ayyaron ki

dast nagar kyun ban ke rahe ye basti hai khuddaron ki

dube hue dukh dard mein jab tak sanjh sawere hain

apni jang rahegi