دینا پڑے کچھ ہی ہرجانہ سچ ہی لکھتے جانا

دینا پڑے کچھ ہی ہرجانہ سچ ہی لکھتے جانا

مت گھبرانا مت ڈر جانا سچ ہی لکھتے جانا

باطل کی منہ زور ہوا سے جو نہ کبھی بجھ پائیں

وہ شمعیں روشن کر جانا سچ ہی لکھتے جانا

پل دو پل کے عیش کی خاطر کیا دینا کیا جھکنا

آخر سب کو ہے مر جانا سچ ہی لکھتے جانا

لوح جہاں پر نام تمہارا لکھا رہے گا یوں ہی

جالبؔ سچ کا دم بھر جانا سچ ہی لکھتے جانا

dena pare kuchh hi harjana sach hi likhte jana

mat ghabrana mat dar jana sach hi likhte jana

batil ki munh zor hawa se jo na kabhi bujh paen

wo shamen raushan kar jana sach hi likhte jana

pal do pal ke aish ki khatir kya dena kya jhukna

akhir sab ko hai mar jana sach hi likhte jana

lauh-e-jahan par nam tumhara likha rahega yun hi

jalib sach ka dam bhar jana sach hi likhte jana