جینے کا حق سامراج نے چھین لیا

جینے کا حق سامراج نے چھین لیا

اٹھو مرنے کا حق استعمال کرو

ذلت کے جینے سے مرنا بہتر ہے

مٹ جاؤ یا قصر ستم پامال کرو

سامراج کے دوست ہمارے دشمن ہیں

انہی سے آنسو آہیں آنگن آنگن ہیں

انہی سے قتل عام ہوا آشاؤں کا

انہی سے ویراں امیدوں کا گلشن ہے

بھوک ننگ سب دین انہی کی ہے لوگو

بھول کے بھی مت ان سے عرض حال کرو

جینے کا حق سامراج نے چھین لیا

اٹھو مرنے کا حق استعمال کرو

صبح و شام فلسطیں میں خوں بہتا ہے

سایۂ مرگ میں کب سے انساں رہتا ہے

بند کرو یہ باوردی غنڈہ گردی

بات یہ اب تو ایک زمانہ کہتا ہے

ظلم کے ہوتے امن کہاں ممکن یارو

اسے مٹا کر جگ میں امن بحال کرو

جینے کا حق سامراج نے چھین لیا

اٹھو مرنے کا حق استعمال کرو

jine ka haq samraj ne chhin liya

utho marne ka haq istemal karo

zillat ke jine se marna behtar hai

mit jao ya qasr-e-sitam pamal karo

samraj ke dost hamare dushman hain

unhi se ansu ahen angan angan hain

unhi se qatl-e-am hua ashaon ka

unhi se wiran ummidon ka gulshan hai

bhuk nang sab din unhi ki hai logo

bhul ke bhi mat un se arz-e-hal karo

jine ka haq samraj ne chhin liya

utho marne ka haq istemal karo

subh-o-sham falstin mein khun bahta hai

saya-e-marg mein kab se insan rahta hai

band karo ye bawirdi ghanda gardi

bat ye ab to ek zamana kahta hai

zulm ke hote amn kahan mumkin yaro

use mita kar jag mein amn bahal karo

jine ka haq samraj ne chhin liya

utho marne ka haq istemal karo