کہاں ٹوٹی ہیں زنجیریں ہماری

کہاں ٹوٹی ہیں زنجیریں ہماری

کہاں بدلی ہیں تقریریں ہماری

وطن تھا ذہن میں زنداں نہیں تھا

چمن خوابوں کا یوں ویراں نہیں تھا

بہاروں نے دئے وہ داغ ہم کو

نظر آتا ہے مقتل باغ ہم کو

گھروں کو چھوڑ کر جب ہم چلے تھے

ہمارے دل میں کیا کیا ولولے تھے

یہ سوچا تھا ہمارا راج ہوگا

سر محنت کشاں پر تاج ہوگا

نہ لوٹے گا کوئی محنت کسی کی

ملے گی سب کو دولت زندگی کی

نہ چاٹیں گی ہمارا خوں مشینیں

بنیں گی رشک جنت یہ زمینیں

کوئی گوہر کوئی آدم نہ ہوگا

کسی کو رہزنوں کا غم نہ ہوگا

لٹی ہر گام پر امید اپنی

محرم بن گئی ہر عید اپنی

مسلط ہے سروں پر رات اب تک

وہی ہے صورت حالات اب تک

kahan tuti hain zanjiren hamari

kahan badli hain taqriren hamari

watan tha zehn mein zindan nahin tha

chaman khwabon ka yun wiran nahin tha

baharon ne diye wo dagh ham ko

nazar ata hai maqtal bagh ham ko

gharon ko chhor kar jab ham chale the

hamare dil mein kya kya walwale the

ye socha tha hamara raj hoga

sar-e-mehnat kashan par taj hoga

na lautega koi mehnat kisi ki

milegi sab ko daulat zindagi ki

na chatengi hamara khun mashinen

banengi rashk-e-jannat ye zaminen

koi gauhar koi adam na hoga

kisi ko rahzanon ka gham na hoga

luti har gam pur ummid apni

mahram ban gai har eid apni

musallat hai saron par rat ab tak

wahi hai surat-e-halat ab tak