بہت میں نے سنی ہے آپ کی تقریر مولانا

بہت میں نے سنی ہے آپ کی تقریر مولانا

مگر بدلی نہیں اب تک مری تقدیر مولانا

خدارا شکر کی تلقین اپنے پاس ہی رکھیں

یہ لگتی ہے مرے سینے پہ بن کر تیر مولانا

نہیں میں بول سکتا جھوٹ اس درجہ ڈھٹائی سے

یہی ہے جرم میرا اور یہی تقصیر مولانا

حقیقت کیا ہے یہ تو آپ جانیں یا خدا جانے

سنا ہے جمی کارٹر آپ کا ہے پیر مولانا

زمینیں ہوں وڈیروں کی مشینیں ہوں لٹیروں کی

خدا نے لکھ کے دی ہے یہ تمہیں تحریر مولانا

کروڑوں کیوں نہیں مل کر فلسطیں کے لیے لڑتے

دعا ہی سے فقط کٹتی نہیں زنجیر مولانا

bahut main ne suni hai ap ki taqrir maulana

magar badli nahin ab tak miri taqdir maulana

khudara shukr ki talqin apne pas hi rakhen

ye lagti hai mire sine pe ban kar tir maulana

nahin main bol sakta jhut is darja dhitai se

yahi hai jurm mera aur yahi taqsir maulana

haqiqat kya hai ye to ap janen ya khuda jane

suna hai jami kartar ap ka hai pir maulana

zaminen hun wudiron ki mashinen hun luteron ki

khuda ne likh ke di hai ye tumhen tahrir maulana

karoron kyun nahin mil kar falstin ke liye larte

dua hi se faqat katti nahin zanjir maulana