نگاہ مست سے اوجھل ہیں منزلیں دل کی

نگاہ مست سے اوجھل ہیں منزلیں دل کی

ہیں اپنی آخری سانسوں پہ چاہتیں دل کی

بہائے جاتا ہے دریائے عشق آخر تک

بھلے ہی لاکھ سنبھالے ہوں دھڑکنیں دل کی

ذرا سی دیر بھی بیٹھا نہیں گیا نزدیک

ہوا سی ہو گئیں آوارہ راحتیں دل کی

جو خود کو قابل کار جہاں بھی رکھنا تھا

تو ہم بھی خاک ہی کر ڈالیں خواہشیں دل کی

اسی میں چین و سکوں کیوں ہے جس نے چھینا ہے

سمجھ سے ہی رہیں باہر ہیں سازشیں دل کی

پکڑ رہی ہو تھکن جب وجود کے بازو

اٹھائے کوئی بھلا کیسے وحشتیں دل کی

یہ کس گلی سے سمنؔ عشق اپنا گزرا ہے

لپٹتی ہی گئیں دامن سے الجھنیں دل کی

nigah-e-mast se ojhal hain manzilen dil ki

hain apni akhiri sanson pe chahaten dil ki

bahae jata hai dariya-e-ishq akhir tak

bhale hi lakh sambhale hun dharkanen dil ki

zara si der bhi baitha nahin gaya nazdik

hawa si ho gain awara rahaten dil ki

jo khud ko qabil kar-e-jahan bhi rakhna tha

to ham bhi khak hi kar dalen khwahishen dil ki

isi mein chain-o-sukun kyun hai jis ne chhina hai

samajh se hi rahen bahar hain sazishen dil ki

pakar rahi ho thakan jab wajud ke bazu

uthae koi bhala kaise wahshaten dil ki

ye kis gali se saman ishq apna guzra hai

lipatti hi gain daman se uljhanen dil ki