کچھ دنوں تک ہی شناسائی رہی

کچھ دنوں تک ہی شناسائی رہی

پھر میری شب میری تنہائی رہی

رونق محفل نہ آئی کام کچھ

زندگی جب خود سے اکتائی رہی

وقت رخصت خوب ہی برسی مگر

آنکھوں میں غم کی گھٹا چھائی رہی

دھیرے دھیرے زخم آخر بھر گئے

بس ذرا صورت ہی کجلائی رہی

چلتے چلتے کھو گئے منظر کہیں

آنکھ جن کی بھی تمنائی رہی

ڈھل گیا سورج اجالے چھین کر

رات کے سر بزم آرائی رہی

یاد آئے گی کہاں اس کو سمنؔ

عشق میں اب وہ نہ گہرائی رہی

kuchh dinon tak hi shanasai rahi

phir meri shab meri tanhai rahi

raunaq-e-mahfil na ai kam kuchh

zindagi jab khud se uktai rahi

waqt-e-rukhsat khub hi barsi magar

ankhon mein gham ki ghata chhai rahi

dhire dhire zakhm akhir bhar gae

bas zara surat hi kajlai rahi

chalte chalte kho gae manzar kahin

ankh jin ki bhi tamannai rahi

dhal gaya suraj ujale chhin kar

rat ke sar bazm arai rahi

yad aegi kahan us ko saman

ishq mein ab wo na gahrai rahi