جسم و جاں پر کسی جوگی کا میں سایہ دیکھوں

جسم و جاں پر کسی جوگی کا میں سایہ دیکھوں

عشق کی تال پہ جوگن کا تھرکنا دیکھوں

اپنے چہرے پہ تیری آنکھوں کا پہرہ دیکھوں

پیاس دریا کا سمندر میں سمانا دیکھوں

قطرہ قطرہ جو نشہ عشق کا اترا مجھ میں

رفتہ رفتہ تری سانسوں میں اترتا دیکھوں

پہلے مصرع میں تجھے باندھ لیا ہے میں نے

دوسرے مصرع میں اب خود کا بسیرا دیکھوں

ابر بن برسے میرے کھیت سے گزرا ہے ابھی

موسم آب میں فصلوں کو جھلستا دیکھوں

چشم کی جھیل میں وہ عکس اتر جائے پھر

شب تو آدھی ہو مگر چاند کو پورا دیکھوں

آرزو میں تری بل کھائے چلی جاؤں سمنؔ

جب کسی بیل کو میں پیڑ سے لپٹا دیکھوں

jism-o-jan par kisi jogi ka main saya dekhun

ishq ki tal pe jogan ka thirakna dekhun

apne chehre pe teri ankhon ka pahra dekhun

pyas dariya ka samundar mein samana dekhun

qatra qatra jo nasha ishq ka utra mujh mein

rafta rafta tiri sanson mein utarta dekhun

pahle misra mein tujhe bandh liya hai main ne

dusre misra mein ab khud ka basera dekhun

abr ban barse mere khet se guzra hai abhi

mausam-e-ab mein faslon ko jhulasta dekhun

chashm ki jhil mein wo aks utar jae phir

shab to adhi ho magar chand ko pura dekhun

arzu mein tiri bal khae chali jaun saman

jab kisi bel ko main per se lipta dekhun