آداب آداب

آداب آداب

تسلیمات تسلیمات

مزاج اقدس

فضل ربی ہے

نمازیں پڑھتے ہیں

فراغتوں سے ڈرتے ہیں

اللہ خیروبرکت دے

سنا ہے آپ نے نئی گاڑی

خرید لی

جی ہاں مرسڈیز ہے

اللہ کے فضل سے

گرین کارڈ ہولڈر بھی ہیں

مگر آپ کا وہ کمیونزم

آپ تو خاصے ریڈیکل تھے

شکر باریٔ تعالی کا

جس نے اندھیروں میں

روشنی دکھائی

اللہ بڑا بادشاہ ہے

لاس اینجلز کے پوش قبرستان میں

جگہ بک کرا دی ہے

آپ کا کیا ارادہ ہے

فتنہ و فساد سے

نجات ملی ہے نہ ملے گی

کیا آپ کو ویزا بھجوائیں

پیشکش کا شکریہ

مگر اپنے دیسی قبرستان جیسی

تازہ ہوائیں امریکہ میں کہاں

اور پھر اپنے یہاں بکنگ کی

بھی ضرورت نہیں

میں تو کہتا ہوں قبلہ

آپ بھی یہیں رک جائیں

عمر کی آخری کگار پر کھڑے ہیں

میں نہیں سمجھتا کہ بلاوا آنے میں

کوئی دیر ہوگی

قیل و قال سے کام نہ لیں

ایک دوسرے کا ہاتھ تھام لیں

قبرستان کی ہری بھری فضاؤں میں

خوب گزرے گی

جو مل بیٹھیں گے

adab adab

taslimat taslimat

mizaj-e-aqdas

fazl-e-rabi hai

namazen parhte hain

faraghaton se darte hain

allah khairubarkat de

suna hai ap ne nai gari

kharid li

ji han marsadez hai

allah ke fazl se

girin kard holdar bhi hain

magar ap ka wo kamewnizam

ap to khasse redikal the

shukr bari-e-taala ka

jis ne andheron mein

raushni dikhai

allah bara badshah hai

las enjlaz ke posh qabristan mein

jagah bik kara di hai

ap ka kya irada hai

fitna-o-fasad se

najat mili hai na milegi

kya ap ko wiza bhijwaen

peshkash ka shukriya

magar apne desi qabristan jaisi

taza hawaen amaryakka mein kahan

aur phir apne yahan buking ki

bhi zarurat nahin

main to kahta hun qibla

ap bhi yahin ruk jaen

umr ki akhiri kagar par khare hain

main nahin samajhta ke bulawa ane mein

koi der hogi

qil-o-qal se kam na len

ek dusre ka hath tham len

qabristan ki hari bhari fazaon mein

khub guzregi

jo mil baithenge