جیون مایا ہریالی میں

جیون مایا ہریالی میں

تم جوت جگاتی آئی ہو

تم چاند چکوری چاند بنو

تم پھولن پھول پھلار بنو

تم درپن چھایا گیان بنو

تم رات جگاتی پیار بنو

تم روپ چمن سنسار بنو

جب بارش موتی لٹتے ہیں

جب مٹی سوندھی کھلتی ہے

تب ہیریں سوانگ رچاتی ہیں

تب رانجھے ڈھول بجاتے ہیں

تب عاشق گیت سجاتے ہیں

جب مٹیاریں بدن چراتی ہیں

جب نینن نین ملاتی ہیں

کھیتوں اور گلیاروں میں

پریت کی لپٹیں اٹھتی ہیں

تن جلتے ہیں من جلتے ہیں

گیتوں کی ترنگیں اٹھتی ہیں

سر تال صراحی چلتی ہے

آنکھوں کی مدرا ڈھلتی ہے

تم آس ادھوری توڑ نہ دینا

بیچ اندھیارے چھوڑ نہ دینا

jiwan maya hariyali mein

tum jot jagati ai ho

tum chand chakori chand bano

tum phanolan phul phalar bano

tum darpan chhaya giyan bano

tum rat jagati pyar bano

tum rup chaman sansar bano

jab barish moti lutte hain

jab mitti sondhi khulti hai

tab hiren sawang rachiti hain

tab ranjhe dhol bajate hain

tab ashiq git sajate hain

jab matyaren badan churati hain

jab ninan nain milati hain

kheton aur galiarron mein

prit ki lipten uthti hain

tan jalte hain man jalte hain

giton ki tarangen uthti hain

sar tal surahi chalti hai

ankhon ki madra dhalti hai

tum as adhuri tor na dena

bich andhiyare chhor na dena