تمام عمر ہی وہم و گمان میں گزری

تمام عمر ہی وہم و گمان میں گزری

مری تو پیاس سرابوں کے دھیان میں گزری

میں چاندنی تھی زمیں پر اتر ہی آنا تھا

وہ ٹھہرا چاند تو شب آسمان میں گزری

گلی میں عشق کی مہنگا تھا وصل کا بنگلہ

تو سانس ہجر کے سستے مکان میں گزری

کہاں پہ کرتی ہے سرکار دل رعایت کچھ

کمائی عشق کی ساری لگان میں گزری

یہ عمر آدھی تو کار جہاں میں بیت گئی

بچی تھی وہ بھی سفر کی تھکان میں گزری

tamam umr hi wahm-o-guman mein guzri

miri to pyas sarabon ke dhyan mein guzri

main chandni thi zamin par utar hi ana tha

wo thahra chand to shab asman mein guzri

gali mein ishq ki mahnga tha wasl ka bangla

tu sans hijr ke saste makan mein guzri

kahan pe karti hai sarkar dil riayat kuchh

kamai ishq ki sari lagan mein guzri

ye umr adhi to kar-e-jahan mein bit gai

bachi thi wo bhi safar ki thakan mein guzri