دست شفقت کٹا اور ہوا میں معلق ہوا

دست شفقت کٹا اور ہوا میں معلق ہوا

آنکھ جھپکی تو پلکوں پہ ٹھہری ہوئی خواہشیں دھول میں اٹ گئیں

شہر بینا کی سڑکوں پہ نا بینا چلنے لگے

ایک نادیدہ تلوار دل میں اترنے لگی

ذہن میں اجنبی سرزمیں کے خیالات آنے لگے

سارے نا بینا اک دوسرے کا سہارا بنے

سر پہ کانٹوں بھرا تاج اور ہاتھ میں موتیے کی چھڑی تھام کر

دور سے آنے والی صدا کے تعاقب میں یوں چل پڑے

جیسے ان کا مسیحا اسی سمت ہو

جیسے ان کے مسیحا کی آنکھوں میں صرف ان کی تصویر ہو

جیسے ان کے خیالوں میں کھلتی زمیں ان کی جاگیر ہو

dast shafqat kata aur hawa mein muallaq hua

ankh jhapki to palkon pe thahri hui khwahishen dhul mein at gain

shahr bina ki sarkon pe na bina chalne lage

ek nadida talwar dil mein utarne lagi

zehn mein ajnabi sarzamin ke khayalat ane lage

sare na bina ik dusre ka sahara bane

sar pe kanton bhara taj aur hath mein mutiye ki chhiri tham kar

dur se ane wali sada ke taaqub mein yun chal pare

jaise un ka masiha usi samt ho

jaise un ke masiha ki ankhon mein sirf un ki taswir ho

jaise un ke khayalon mein khulti zamin un ki jagir ho