مجھ سے ملو تم

مجھ سے ملو تم

باتوں کی چائے پر

کہانی کے پیچ میں

بچپن کی شور کرتی ریل میں

ماضی کے نکڑ پر

افلاطونی عشق کی موج میں

فرصت کے بے برکت دن

یار کی جدائی والے پہر میں

جوانی کی دھوپ میں

غالب کے دیوان کی

پر بہار سیڑھیوں پر

لفظوں کے بازار میں

نظموں کے اسرار میں

مجھ سے ملو تم

مجھ سے ملو تم

اجنبی ملکوں کی سیر و سیاحت میں

پیار کے رسم و رواج میں

حلقۂ یاراں میں

طوفان باد و باراں میں

سینٹورس کے عقب میں

چھپر ہوٹل کے ٹوٹے ہوئے ٹیبل پر

چاند پہ بیٹھی ہوئی بڑھیا کے نورانی چرخے میں

اسی کی دہائی کی فلموں کے ذکر میں

پرانی کتابوں کی دوکان پر

نسوانی خوشبوؤں کے چوک پر

بوسوں کی تکرار میں

مجھ سے ملو تم

mujh se milo tum

baton ki chae par

kahani ke pech mein

bachpan ki shor karti rel mein

mazi ke nukkar par

aflatuni ishq ki mauj mein

fursat ke be barkat din

yar ki judai wale pahar mein

jawani ki dhup mein

ghalib ke diwan ki

pur bahar sirhiyon par

lafzon ke bazar mein

nazmon ke asrar mein

mujh se milo tum

mujh se milo tum

ajnabi mulkon ki sair-o-siyahat mein

pyar ke rasm-o-riwaj mein

halqa-e-yaran mein

tufan-e-bad-o-baran mein

sentoras ke aqab mein

chhappar hotal ke tute hue tebal par

chand pe baithi hui burhiya ke nurani charkhe mein

usi ki duhai ki filmon ke zikr mein

purani kitabon ki dukan par

naswani khushbuon ke chok par

boson ki takrar mein

mujh se milo tum