اب مریض عشق کو کیسا ٹھکانہ چاہیے

اب مریض عشق کو کیسا ٹھکانہ چاہیے

آتش دل کو ہوا پر آشیانہ چاہیے

لگ گئیں ہیں داؤ پر سانسیں بساط عشق میں

اس طرف یا اس طرف طے ہو ہی جانا چاہیے

روح کو تیری ضرورت اس قدر ہے جان جاں

زیست کے خاطر ضروری آب و دانا چاہیے

دن ڈھلے ہی لوٹ آتے ہیں پرندے شاخ پر

ہو گئی اب رات تجھ کو لوٹ آنا چاہیے

اب تھکن تک جا چکی ہیں حسرتیں دیدار کی

خشک آنکھوں میں سمنؔ دریا سمانا چاہیے

ab mariz-e-ishq ko kaisa thikana chahiye

atish-e-dil ko hawa par ashiyana chahiye

lag gain hain dao par sansen bisat-e-ishq mein

is taraf ya is taraf tai ho hi jana chahiye

ruh ko teri zarurat is qadar hai jan-e-jan

zist ke khatir zaruri ab-o-dana chahiye

din dhale hi laut ate hain parinde shakh par

ho gai ab rat tujh ko laut ana chahiye

ab thakan tak ja chuki hain hasraten didar ki

khushk ankhon mein saman dariya samana chahiye